• காதல் மழைக்காலம்…
  • குடையாய் வருவாயா?
  • இல்லை..
  • மழையாய் வருவாயா?

 

  • நீண்ட இடைவெளிக்கு பிறகு.. ஓரு மாலை நேரத்து அடை மழை பொழுது..
  • உன் நினைவுகளை.. என்னுள் மறுபடியும் எழுப்பிவிட்டு செல்ல…

 

  • அது ஒரு கிராமத்து மழைக்காலம்..
  • ஒற்றை குடையில் நீயும் நானும்..
  • நனைந்ததும்… நனையாததுமாய்…
  • ஊர் சுற்றிய ஞாபகங்கள்..

 

  • நகரத்தின் பரபரப்பு வாழ்க்கையில்..
  • மழை ரசிக்க யாருக்கும் விருப்பமில்லை..
  • உங்களுக்குமா?
  • நீ  கேட்பது எனக்கும் கேட்கிறது..
  • இரை தேடி திசை மாறிய தேடல்களில்
  • வாழ்வை மறந்துதானே வாழ்ந்து கொண்டிருக்கிறோம்..

  • பள்ளி வயது காலம் முதலே..
  • உங்களுக்கும் மழைக்கும் கண்ணாமூச்சு என்பாய்..
  • நீங்கள் நடந்தால் பெய்கிறது..
  • நீங்கள் நின்றால் நிற்கிறது என்று கேளி செய்வாய்…

 

  • பேய்ந்துதான் பாரேன்..
  • மழைக்கு சவால் விட்டு நடந்த காலங்கள்.. அவை..
  • மழைக்கு பயந்து ஒதுங்கியவன் அல்ல நான் … 
  • அது உன் வீட்டுச் சுவராய் இல்லாதவரை…

 

  • வாசலில் நீ..
  • விண்ணிலிருந்து.. போட்டியிட்டு விரையும்.. 
  • மழைத்துளிகள்..
  • எந்த துளி உன்னை முதலில் தொடுமாம்?

 

  •  மழை நாளில் நான் மறந்தும் குடை தொடுவதில்லை..
  • மழை பிடித்தவர்களுக்கு.. குடை பிடிப்பதில்லை..
  • ஆனாலும் உன் குடை மட்டும் விதி விலக்கு.

 

  • நீ எடுத்து வரும் குரும்புக்கார குடைக்கு…
  • மழைக்கும் ஆசை…
  • வெயிலுக்கும் ஆசை..
  • மழை நாளில் உன்னோடு வர வேண்டுமாம்..
  • ஆனால் மழை வேண்டாமாம்.
  • நீ நெஞ்சோடு சேர்த்து அணைத்த புத்தகங்களோடு…
  • ஒரு பக்கமாய் இருந்து விட வேண்டுமாம்…     
  • புத்தகங்களோடு…புத்தகமாய்…
  • நீ விரிக்காத குடை…

 

  • விரியும் ஆசைகளை..
  • மடக்கி வைக்க முடியமால்… நான்…

 

  • மழை மறைக்க குடை எடுத்ததில்லை நீ…
  • நம் இடைவெளிகளை குறைப்பதற்காகவே.. அந்த குடை..

 

  • ஆளரவமற்ற சாலைகளில்..
  • உன் அவசர… அவசரமான..
  • தாவணி தலை துவட்டல்களுக்காவே…
  • இன்னும் கொஞ்சம் நனைவேன் நான்…

 

  • சில்லென்ற சிலீர் மழை..
  • உன் மேல் வீழ்ந்து குளிர் காயும்.
  • வீழ்ந்து வழிந்த மழைத்துளிகளை பார்த்து
  • மற்ற மழைத்துளிகள்
  • மறு ஜென்மம் வேண்டும்.

 

  • மழை முடிந்து சாரலில்..
  • நம் ஊர் நோக்கி நடக்கையில்..
  • உன் வீடு.. இன்னும் கொஞ்சம் தூர இருக்க கூடாதா?
  • மனசுக்குள் ஆசை கேள்வியெழுப்பும்..

 

  • வெளியில் நனைந்த நான்
  • உள்ளுக்குள் காய்வேன்

 

  • ஈரப்புத்தகங்களில் ஓரப்பக்கங்களில்
  • எழுதி வைத்த என் புனைப்பெயர்
  • அழிந்து விடுமே என்ற கவலை உனக்கு..

 

  • காய்ந்து பிரிய வேண்டுமே என்ற கவலை
  • நனைந்த உன் உடைகளில் ஒட்டியிருக்கும் மழைக்கு..

 

  • தோழி…
  • அந்த நாட்களில் நாம் நனைந்து காய்ந்து விட்டாலும்..
  • மனசு மட்டும்… இன்னும் ஈரமாகவே…இருக்கிறது
  • விழிகளும்தான்… 

 

  • பிறிதொரு மழைக்காலத்தில்..
  • குடையாய் வருவாயா?
  • இல்லை..
  • மழையாய் வருவாயா?