• என் உயிர்த்தோழனே..
  • எங்கே இருக்கிறாய்?
  • எப்படி இருக்கிறாய்?

 

  • பொறியல் கல்லூரியில்
  • சி புரோகிராம்களையும், சிட்னி ஷெல்டன்களையும்
  • பேசிய முகங்களுக்கு நடுவே..
  • பாரதியையும் பாமரக்கவிதைகளையும் தேடிய
  • உன்னைப் பார்த்து உண்மையிலேயே வியந்துதான் போனேன்.

 

  • அந்த கிராமத்து அமைதி
  • சற்றே வெட்கப்படும் ஆண்பிள்ளை
  • இந்த நகரத்து யுவதிக்கு
  • புதுமையாய்.. புரியாத ஆச்சரியமாய்..
  • நீ.

 

  • மேடைப் பேச்சில்
  • மின்னலாய்.. இடியாய்..
  • கவிதையில்.. சாரலாய்..
  • சர்க்கரை மழையாய்..
  • நீ பொழிந்து இறங்கிய ஒரு பொழுதில்..
  • கல்லூரி மட்டுமல்ல..
  • இந்த கான்வென்ட் கன்னியும்
  • தமிழை நேசிக்க ஆரம்பித்தது..

 

  • உன் நட்பு வேண்டி
  • தவமிருந்த நட்சத்திரங்களின் நடுவே..
  • இந்த மின்மினி பூச்சிக்கு..
  • வந்தது வரம்..

 

  • மடி கொடுத்த தாயாய்..
  • மழலை விரல் பிடித்த தந்தையாய்..
  • தோள் கொடுத்த தோழனாய்..
  • நாளும் ஞானம் கற்பித்த குருவாய்..
  • இன்முகத்தோடு பன்முகம் காட்டிய பகலவன் நீ

 

  • வார்த்தைகளை தாண்டி..
  • என் மௌனங்களையும் புரிந்தவன் நீ..
  • கண்ணீரை தாண்டி..
  • என் வலிகளையும் தெரிந்தவன் நீ..

 

  • நம் நட்பில் காதலை கலப்படம் செய்து
  • கல்லூரியில் கதை சொன்ன பொழுதும்..
  • கோவப்படாமல் புன்னகைத்தவன்.. நீ..

 

  • உன் புன்னகையையும் சம்மதமாய் எடுத்து
  • ஏளனம் செய்தவர்கள் ஏராளாம்..
  • காதலையும் நட்பையும் பிரித்தறிந்து
  • ப(ரு)ழகிய அன்பு அன்னப்பறவை நீ..

 

  • ஒரு கணமும் பிரியாமல்..
  • ஊர் சுற்றிய நம்மைக்கண்டு..
  • என் அறை தோழிகள்கூட வினவியது உண்டு..
  • நீ என்ன உறவுக்காரானா என்று?

 

  • எனக்கு மட்டும்தான் தெரியும்..
  • உறவுகளையும் தாண்டிய என் உயிர்க்காரன்
  • நீ என்று..

 

  • சராசரிகளிலிருந்து வேறுபட்டு..
  • சற்றே வித்தியாசமனவன் நீ
  • பிரிவையும் ரசிக்கச் சொல்லிக்கொடுத்தாய்..
  • கண்ணீரையும் நேசிக்க கற்றுக்கொடுத்தாய்..

 

  • பெண்ணுக்கே உரிய சமுக கட்டுப்பாடுகள்..
  • உயரச்சுவர்களை நம் உறவுக்கு இடையே
  • காலம் கட்டி வைத்த போதும்..
  • கண்ணுக்கு தெரியாத..
  • காற்றை விட மென்மையாய்..
  • கண்ணாடி நூலிழையாய்..
  • நம் நேசம்..
  • காலங்கள் தாண்டி..
  • இந்த இரு ஜீவன்களை ரகசியமாய் கட்டி வைத்திருக்கிறது..

 

  • வானம் பார்க்கையில்..
  • வண்ண நிலா பார்க்கையில்..
  • நெஞ்சில் நினைவுகளாய்..
  • நிற்கும்.. நீ
  • கண்ணுக்குள் கண்ணீராய்..
  • எட்டிப் பார்க்கிறாய்..

 

  • என் உயிர்த்தோழனே..
  • எங்கே இருக்கிறாய்?
  • எப்படி இருக்கிறாய்?