ஆர்கூட்டில் வாழும்…
ஃபேஸ்புக் பறவைகள்..
நாங்கள்.
ஓர் கூட்டு பறவைகள்தான்
ஒரு நாளும் பேசியதில்லை
ஓரிரு வார்த்தைகள் தவிர்த்து.
அந்நிய முகங்கள் தேடி
அன்யோன்யம் நாடி
ஆர்கூட்டில் அடைக்கலம்.
பெற்ற சொந்தம்..
உற்ற சொந்தம்..
அருகிருந்தும்..
அன்பு அருகி
வீட்டுப்பொழுதுகள்
வெறும் பொழுதுகளாய்..
நகர்ந்திட
பெரும்பொழுதுகள்
பெரும்பாலும்
ஃபேஸ்புக்கில்.
பின்னிரவு ஃபேஸ்புக் அரட்டைகளும்..
முன்காலை குறுஞ்செய்தி ஓசைகளும்..
ஒரு நாளின்
நீள அகலங்களை
நிர்ணயிக்க
உலக எல்லைகள் தாண்டி
ஓய்வின்றி
இணைய உலா வருகிறோம்.
ஊருக்குள் மட்டும்
உயரச்சுவர்கள் எழுப்பி
உள்ளுக்குள் ஓளிந்து கொள்கிறோம்.
விளையாட்டு அரட்டையில்
வந்து மறையும்
பொய்யான, புரட்டான
வேற்றுக் கிரகத்து
தோழமையின்
தோற்றக்குறிப்பு பெயர்கள்
அனைத்தும் அத்துப்படி.
பக்கத்து வீட்டுக்காரர்
பெயர்..?
யோசித்துதான்
சொல்ல வேண்டியிருக்கிறதே..
அது எப்படி?
வெளியில் ஒரு முகமூடி
வீட்டுக்குள் ஒரு முகமூடி
கழற்றிய பிறகு
வெத்து வெடி
வேடிக்கை மனிதராய்
கண்ணாடி பார்க்கையில்
நிஜமுகம் கேலி செய்வதை
பாராமுகமாய்
பதுங்குகிறது.
மனசு.
இதையும் ட்வீட் செய்துவிடுவாயா?
கேட்கும் இதயத்தின் கேள்விக்கு
பதில் மெயில்
இன்னும் வரைவில்..
– பிரியன்
(நன்றி- படம் இணையத்திலிருந்து எடுக்கப்பட்டது)
இன்றைய நிகழ்வின் யதார்த்தம் சொன்ன அற்புதமான கவிதை!
தங்கள் பாராட்டுக்களுக்கு நன்றி ….
பிரமாதம் பிரியன், கலக்கிட்டீங்க 😛
நன்றி ஷஹி…
((அப்பாடா.. காதல் இல்லாமல் ஒரு கவிதை எழுதியாச்சு…
சந்தோஷம் தானே ஷஹி?? ))
இதையும் ட்வீட் செய்து விடுவாயா?..வாவ் சான்ஸே இல்ல பா…மீண்டும் மீண்டும் படிக்கத் தூண்டுது கவிதை..ஒவ்வொரு முறையும் ஒவ்வொரு சேதி..
நன்றி ஷஹி…
உங்களது வார்த்தைகள் மீண்டும் மீண்டும் என்னை எழுதத்தூண்டும்..
அபி, ஷஹி படைப்புகளோடு சம காலத்து படைப்புக்களாய் என் படைப்புகளும் .. பிரசுரமாவது … பெருமை எனக்கு…
அடடா..காமெடி பண்ணிட்டீங்களே பிரியன்..
நல்ல கவிதை… இன்றைய சமுதாய , மனவியல் மாற்றத்தை அலசுகின்ற கவிதை… ப்ரியனுக்கே உரிய “நெத்தியடி வார்த்தைகள்!” – உதாரணம் – வேற்று கிரகத்து தோழமை..
அருமை தோழா!
எல்லாம் உங்க இன்ஸ்பிரேஷன்தான் தலைவா..
தொடர்பு எல்லைக்கு வெளியில் உறவுகள்.
முகம் தெரியாத நண்பர்கள்.
உண்மை நிலை உணர்த்தும் கவிதை
இணைய உலா,இதயத்தின் கேள்விக்கு பதில் மெயில்………
பிரமாதம் பிரியன்(உண்மை பெயர் சொல்லி அழைக்க ஆசைதான்…ம்)
பிரியன்..நிஜப்பேர் வேணுமாமே… 😆 ஐயோ சொல்லலைன்னா என் தலையே வெடிச்சிடும் போல இருக்கே..என்ன பண்ணட்டும்? 🙄
நிஜமாலுமே .. நிஜப்பெயர் பிரியன் தானே ஷஹி..
தங்கள் பாரட்டுக்களுக்கு நன்றி..